ავთანდილ კენჭაძე მსოფლიოს ჩემპიონი გახდა - ოქრო ქართველისაა

ალბანეთის დედაქალაქ ტირანაში მიმდინარე მსოფლიო ჩემპიონატი თავისუფალი სტილით ჭიდაობაში ქართველის გამარჯვებით დასრულდა. ავთანდილ კენჭაძემ (79კგ) საკუთარ კატეგორიაში მონაწილე ყველა მებრძოლს სძლია და ფინალში გასვლის შემდეგ ოქროს მედლის მოსაპოვებლად გამართული დაპირისპირებაც მოიგო. 

ქართველმა ფინალურ შეჯიბრში ნეიტრალური დროშით მოასპარეზე მაგომედ მაგომაევს სძლია და იგი საბოლოოდ 13:4 დაამარცხა.

აღნიშნულ ჩემპიონატზე კიდევ ერთი ქართველი იბრძოდა ოქროს მოსაპოვებლად. თუმცა, მირიან მაისურაძე (92კგ) ფინალში დამარცხდა და ასპარეზობა ვერცხლის მედლით დაასრულა.