კონფერენსლიგის მატჩს ქართველი მსაჯები გაუძღვებიან

უეფას კონფერენსლიგის მესამე ტურში ბელგიური „გენტის“ და ნორვეგიული „მიოლდეს“ დაპირისპირება გაიმართება. აღნიშნული შეხვედრა ქართველი არბიტრების მითითებების მიხედვით წარიმართება.

24 ოქტომბერს, თბილისის დროით 20:45 საათზე დანიშნული თამაშის მთავარი მსაჯი გოგა კიკაჩეიშვილი იქნება. ქართველ არბიტრის დამხმარე მსაჯების როლს დავით ახვლედიანი და დავით გაბისონია მოირგებენ. მატჩის მეოთხე არბიტრის როლში ირაკლი კვირიკაშვილი იქნება.

აღნიშნული მატჩის მიმდინარეობისას, VAR-ის ოთახში ასევე ქართველი არბიტრები, ალეკო აფციაური და ბაკურ ნინუა იმუშავებენ.